Naxçıvan Muxtar Respublikası İqtisadiyyat Nazirliyinin dəstəyi, Sahibkarlığın İnkişafı Fondu və Bank Respublikanın birgə təşkilatçılığı ilə Naxçıvan Muxtar Respublikasında həyata keçirilən “Sahibkar Çətiri” layihəsi davam edir.
Layihə çərçivəsində növbəti tədbir 18 noyabr 2025-ci il tarixində Kəngərli rayonunun Xök və Qarabağlar kəndlərində keçiriləcək. Görüşlər saat 10:00-da başlayacaq.
Tədbir zamanı sahibkarlarla görüşlər təşkil olunacaq, onların fikir və təklifləri dinləniləcək, ehtiyaclarına uyğun dövlət maliyyə dəstəyi imkanları təqdim ediləcək. Layihənin əsas məqsədi rayonlarda fəaliyyət göstərən sahibkarların dövlət dəstək mexanizmləri barədə məlumatlandırılması və onların maliyyə resurslarına çıxış imkanlarının genişləndirilməsidir.
Tədbir zamanı sahibkarlara maarifləndirici bukletlər də təqdim olunacaq.
.jpeg)