Fond və Bank Respublikanın birgə təşkilatçılığı ilə Naxçıvan Muxtar Respublikasında “Sahibkar Çətiri” layihəsinə start verilir. Layihə ilk olaraq 18 sentyabr 2025-ci il tarixində Şərur şəhərində həyata keçiriləcək.
Layihə çərçivəsində sahibkarlarla görüşlər keçiriləcək, onların fikir və təklifləri dinləniləcək, ehtiyaclarına uyğun dövlət maliyyə dəstəyi imkanları təqdim olunacaq. Həmçinin sahibkarlara güzəştli maliyyə vəsaitlərinin əldə olunması qaydaları, maliyyələşmə mexanizmləri, kreditlərin hədləri və digər zəruri məsələlər barədə ətraflı məlumat veriləcək.
Layihənin əsas məqsədi rayonlarda fəaliyyət göstərən sahibkarların dövlət dəstək mexanizmləri barədə məlumatlandırılması, onların maliyyə resurslarına çıxış imkanlarının artırılmasıdır. Tədbir zamanı sahibkarlara maarifləndirici bukletlər də təqdim olunacaq.
