Naxçıvan Muxtar Respublikası İqtisadiyyat Nazirliyi və tabeliyindəki qurumların rəhbər heyəti və nümayəndələri Heydər Əliyev Sarayında “Konstitusiya və Suverenlik İli” çərçivəsində təşkil olunan məhdud fiziki imkanlı və istedadlı qadınların rəsm və əl işlərindən ibarət sərgi-satış yarmarkası ilə tanış olublar.
Tanışlıq zamanı iştirakçılara sərgi haqqında ətraflı məlumat verilib. Bildirilib ki, yarmarkada 300-dən artıq müəllifin 10 mindən çox əl işi təqdim olunur. Sərgidə nümayiş olunan əl işləri arasında dekorativ-tətbiqi sənət nümunələri, milli bəzək əşyaları, toxuculuq və tikiş məhsulları, müxtəlif rəsm əsərləri, bəzək aksesuarları və suvenirlər yer alıb.
Nazirliyin nümayəndələri yerli istehsal məhsullarına maraq göstərərək bir sıra məhsulları şəxsi istifadələri üçün alıblar.
