.jpeg)
.jpeg)
.jpeg)
Naxçıvan Muxtar Respublikasının İqtisadiyyat Nazirliyində dövlət başçısının müvafiq Sərəncamı ilə təltif olunmuş Nazirlik əməkdaşlarının iştirakı ilə tədbir keçirilib.
Tədbir zamanı Naxçıvan Muxtar Respublikasının iqtisadiyyat naziri Kazım Hüseynəliyev çıxış edərək Nazirliyin fəaliyyət səmərəliliyinin artırılması istiqamətində görülən işləri diqqətə çatdırıb. Qeyd olunub ki, insan kapitalının inkişafı, əməkdaşların bilik və bacarıqlarının artırılması bu xüsusda böyük önəm kəsb edir.
Daha sonra, Azərbaycan Respublikasının Prezidenti cənab İlham Əliyevin 21 iyun 2025-ci il tarixli Sərəncamına əsasən “Dövlət qulluğunda fərqlənməyə görə” medalı ilə təltif edilmiş Nazirlik əməkdaşları Abbasov Səhhət və Həziyev İntizara medallar təqdim edilib.
Dövlət qulluqçularının fəaliyyətinə verdiyi yüksək qiymət və göstərdiyi diqqətə görə dövlət başçısına dərin minnətdarlıq ifadə edilib.
