Naxçıvan Muxtar Respublikasının iqtisadiyyat naziri Kazım Hüseynəliyev Culfa rayonundan olan vətəndaşları qəbul edib.
Qəbuldan əvvəl Ümummilli Lider Heydər Əliyevin abidəsi ziyarət edilib, önünə gül dəstələri qoyulub.
Sonra Culfa Rayon İcra Hakimiyyətinin inzibati binasında keçirilən qəbula gələn vətəndaşların əmlak, güzəştli kreditlərin verilməsi və digər məsələlər barədə müraciətləri dinlənilib.
İqtisadiyyat Nazirliyinin vəzifəli şəxslərinin onlayn qoşulduğu qəbulda vətəndaşlara müraciət etdikləri məsələlərlə bağlı əsaslandırılmış cavab və izahatlar verilib.
