27 Sentyabr – Anım Günü ilə əlaqədar Naxçıvan Muxtar Respublikasında Vətən müharibəsi şəhidlərinin əziz xatirəsi yad edilib.
Anım Günü ilə əlaqədar Naxçıvan Muxtar Respublikasının dövlət və hökumət nümayəndələri 44 günlük Vətən müharibəsində şəhid olmuş qəhrəmanların məzarlarını ziyarət ediblər. Ziyarətdə Naxçıvan Muxtar Respublikasının iqtisadiyyat naziri Kazım Hüseynəliyev də iştirak edib.
Şəhidlərin məzarları önünə gül dəstələri qoyulub, onların xatirəsi ehtiramla yad edilib, şəhid ailələrinə başsağlığı verilib.
Həmçinin Naxçıvan Muxtar Respublikasının İqtisadiyyat Nazirliyi və tabeliyindəki qurumların əməkdaşları tərəfindən şəhidlərin məzarları ziyarət olunub.
Vətən uğrunda canından keçən şəhidlərin əziz xatirəsi dərin ehtiramla anılıb.
